Presidenti i Republikës, Ilir Meta dekreton dhënien e shtetësisë shqiptare për Imzot George Anthony Frendo. Ai është Arqipeshkëv Metropolit i Tiranë–Durrësit dhe Kryetar i Konferencës Ipeshkvnore të Shqipërisë. Presidenti Meta e bëri publik vendimin gjatë meshës së mbajtur në Katedralen e “Shën Palit” në Tiranë.
Sipas kreut të shtetit Meta, Imzot Frendo është një nga frymëzuesit dhe arkitektët e shumtë të ruajtjes dhe forcimit të trashëgimisë së shkëlqyer shqiptare të bashkëjetesës dhe harmonisë së besimeve. Mesha e veçantë në Katedralen “Shën Pali” në Tiranë u mbajt me rastin e 25-vjetorit të vizitës së Papa Gjon Palit II në Shqipëri./abcnews.al
