Imazhet që vijnë nga zonat e veriut të Greqisë janë mjaft prekëse. Qytetet janë duke hasur vështirësi në varrimin e të gjithë personave që kanë ndërruar jetë prej koronavirusit duke detyruar bashkitë që të hapin vende të reja për këtë qëllim.
Mediat greke kanë publikuar foto nga varrezat e reja të Selanikut, ku duket një numër i madh varresh të hapur që presin të vdekurit.
E njëjta situatë paraqitet sipas “Protothema” edhe në zonat e Thermit dhe Evosmosit.
Greqia numëroi 2 186 raste të reja me koronavirus gjatë ditës së djeshme, ndërsa numri i të vdekurve brenda ditës arriti në 89. Pjesa më e madhe e të prekurve dhe të vdekurve është shënuar në qytetet veriore, të cilat konsiderohen si vatra më e nxehtë në Greqi.
/abcnews.al
