Anglia arriti një fitore të lehtë, mbrëmjen e së premtes, teksa në mitikun “Ëembley”, të Londrës mundi me rezultatin e pastër, 2 me 0, skuadrën e Maltës, në përballjen e vlefshme për xhiron e fundit të fazës kualifikuese, të Kampionatit Evropian të futbollit, Euro 2024.
Mirëpo, pavarësisht sigurimit të 3 pikëve, që ishte obligim për “Tre Luanët” ndaj një kundërshtari si Malta, tekniku i këtyre të fundit, Gareth Southgate, nuk ishte aspak entuziast, teksa pas ndeshjes tha se nuk ishte i kënaqur me lojën e skuadrës së tij.
“Nuk kemi arritur pritshmëritë e duhura këtë vit. Kemi mundësitë për të zhvilluar një futboll shumë të mirë. Kur nuk e nis siç duhet një ndeshje, është e vështirë, për të marrë ritmin gjatë pjesës tjetër të lojës.
Nuk shfaqëm shumë cilësi me topin, nuk krijuam shumë mundësi shënimi, por kam qenë futbollist vetë dhe e di mjaft mirë se si janë këto ndeshje. Numri i ndeshjeve që lojtarët luajnë gjatë ditëve të sotme është i pabesueshëm. Në pjesën e dytë, kishim më tepër iniciativë, por në fund të fundit është një fitore 2-0”,- u shpreh Southgate. /i.m /abcnews.al
