E ardhmja e Henrikh Mkhitaryan, mbetet një mister. Fantazisti armen nuk bën pjesë në planet e Arsenalit, por dhe Roma (klub ku ndodhet i huazuar), nuk është gati të paguajë 30 milion eurot që “Topçinjtë” kërkojnë. Vetë armeni, është munduar të sqarojë të ardhmen e tij në një intervistë për mediat italiane.
“Nuk e di se sa do qëndroj këtu, por mua më pëlqen Roma si qytet dhe si klub. Unë dua ta vazhdoj karrierën time këtu por nuk është në dorën time. Shpresoj që klubet të gjejnë gjuhën e përbashkët dhe më e mira për të gjitha palët të ndodhë.
Raiola? Ka raste kur e telefonoj disa herë dhe ai nuk përgjigjet. Më pas ai më telefon mua pas një muaji dhe më thotë: Ku je? Më ke harruar mua? Por ai mbetet një nga më të mirët në punën e tij,” përfundon Mkitarian./abcnews.al
