I mituri ndërroi jetë/ Përplasën 7-vjeçarin me makinë, në pranga 2 persona

Policia ka arrestuar dy persona lidhur me aksidentit fatal që i mori jetën 7-vjeçarit paraditen e sotme në Tiranë.

Në pranga kanë rënë Tomorr Shukullli dhe Valentina  Koltraku.

Sipas informacioneve mësohet se 7-vjeçari është përplasur fillimisht nga 54-vjecari dhe më pas nga shoferja 42-vjeçare.

Njoftimi:

Identifikohen dhe vihen në pranga drejtuesit e 2 automjeteve të përfshira në këtë aksident.

Gjenden dhe sekuestrohen 2 automjetet.

Si rezultat i hetimeve të kryera nga grupi i posaçëm, menjëherë pas aksidentit të ndodhur rreth orës 11:20 të datës 24.02.2026, në rrugën “Kastriotët”, si pasojë e të cilit humbi jetën një 7 vjeçar, specialistët e qarkullimit rrugor identifikuan dhe arrestuan autorët e dyshuar të rastit, shtetasit 55 vjeç dhe 42 vjeçe.

Nga veprimet hetimore të deritanishme dyshohet se i mituri është përplasur fillimisht nga automjeti që drejtonte 55-vjeçari dhe më pas nga automjeti që drejtonte shtetasja V. K.
Të dy drejtuesit e automjeteve janë larguar nga vendi i aksidentit. Gjatë veprimeve hetimore, 55-vjeçari, i cili e ka transportuar të miturin, në spital, ka tentuar të mohojë dijeninë rreth aksidentit.

Hetimet vijojnë për të individualizuar dhe dokumentuar përgjegjësinë penale të secilit prej të arrestuarve.

Materialet procedurale iu referuan Prokurorisë së Tiranës, për veprime të mëtejshme.