Kina tha se i dërguari i saj i posaçëm për çështjet euroaziatike Li Hui do të vizitojë Ukrainën, Rusinë dhe Bashkimin Europian, si dhe Gjermaninë, Poloninë dhe Francën duke filluar nga 2 marsi, në përpjekje për të nxitur një zgjidhje politike të konfliktit midis Moskës dhe Kievit.
Lajmi është bërë i ditur nga Ministria e Jashtme e Pekinit, sipas së cilës Li do të marrë pjesë në raundin e dytë të përpjekjeve diplomatike.
Li vizitoi rajonin vitin e kaluar si pjesë e përpjekjeve për të ndërmjetësuar konfliktin, duke zhvilluar bisedime në Moskë, Kiev dhe një mori kryeqytetesh europiane.
Kina ka deklaruar se është një palë neutrale në luftën e Ukrainës, por është kritikuar se ka refuzuar të dënojë Moskën për pushtimin e saj në shkurt 2022.
/abcnews.al
