Loading ...TIRANË– GJKKO pranoi kërkesën e SPAK dhe kaloi për gjykim dosjen ndaj ish-kryeprokurorit të Sarandës Kledian Llaho dhe të 3 të pandehurve të tjerë, pjesë e të njëjtit procedim penal.
Të pandehurit e tjerë janë Vasil Bakalli, Pando Papuçi dhe Çlirim Shahini.
Akuzat e të pandehurve:
-Kledian Llaho akuzohet për veprat penale “Korrupsioni pasiv i gjyqtarit, prokurorit, apo funksionarëve të tjerë të sistemit të drejtësisë” në bashkëpunim dhe “Ushtrimi i ndikimit të paligjshëm ndaj funksionarëve publikë”, në bashkëpunim.
-Vasil Bakalli, për veprat penale “Korrupsioni pasiv i gjyqtarit, prokurorit, apo funksionarëve të tjerë të sistemit të drejtësisë” në bashkëpunim dhe “Ushtrimi i ndikimit të paligjshëm ndaj funksionarëve publikë”, në bashkëpunim.
-Pando Papuçi, për veprën penale “Ushtrimi i ndikimit të paligjshëm ndaj funksionarëve publikë”
-Çlirim Shahini, për veprën penale “Ushtrimi i ndikimit të paligjshëm ndaj funksionarëve publikë”.
