Donald Trump ka reaguar pas raportimeve në mediat amerikane se Presidenti u fsheh në bunkerin e Shtëpisë kur rezidenca presidenciale u rrethua nga protestuesit.
Sipas një Republikani, pjesëtarët e Shërbimit Sekret e dërguan Trump në bunkerin nëntokësor në momentin që u mblodh turma.
Trump e ka hedhur poshtë këtë lajm duke e cilësuar si të rremë. Presidenti është shprehur se ka zbritur për një moment në bunker vetëm për inspektim.
“Epo ishte një raport i rremë. Unë kam zbritur dy ose tre herë. Ishte vetëm për inspektim. Dhe, ju shkoni atje, një ditë mund të keni nevojë. Unë zbrita, e pashë. Isha gjatë ditës, dhe nuk ishte problem. Ata më thanë se ishte koha e duhur për të zbritur poshtë e për t’i hedhur një sy, sepse ndonjëherë do të jetë nevoja për të”, ka deklaruar Trump.
Trump postoi vetë pamje nga protestat pranë Shtëpisë së Bardhë ndërsa komentonte: “Kam ndjekur çdo lëvizje dhe ndihem më se i sigurt”.
Ky bunker i veçantë nën Shtëpi të Bardhë është ndërtuar në mënyrë që presidentit dhe zyrtarët e tjerë të lartë të shtetit të strehohen, në rast të ndonjë sulmi terrorist apo të ndonjë ngjarje të jashtëzakonshme. /abcnews.al
