Barcelona mbrëmë tregoi edhe një herë se është kthyer në një ekip më se normal dhe objektivat e mëdha të sezonit duken të vështirë për t’u arritur. Mbrëmë Cadiz i mundi me shifrat 2-1 dhe zhgënjimi në fjalën e tij pas ndeshjes për Sergio Busquets ishte i qartë.
“Reaguam mirë pas golit të parë, prodhuam lojë dhe raste, por në golin e dytë bëmë një gabim tjetër dhe ishte shumë më e vështirë. Gabimet individuale na kanë kushtuara shumë pikë. Rivalët po fitojnë dhe kjo na i komplikon shumë gjërat.
Në Champions League ekipi duket ndryshe. Nuk e di pse. Nëse do kishim një përgjigje për atë që ndodh kohët e fundi, ndoshta nuk do të ndodhte më. Në ndeshjet e fundit kemi bërë gabime të shumta, që kanë vendosur ndeshjen. Kur rivali mbyllet në mbrojtje është e vështirë për ne të çajmë dhe të shkojmë te goli”, u shpreh Busquets. /abcnews.al
