Humbi betejën me kancerin, ndahet nga jeta në moshën 40-vjeçare prezantuesja e BBC-së

schedule14:10 - 29 Qershor, 2022

schedule 14:10 - 29 Qershor, 2022

Aktivistja e kancerit, blogerja, prezantuesja dhe ish-mësuesja, Dame Deborah James, ka ndërruar jetë në moshën 40-vjeçare. Ajo ishte duke u trajtuar për kancerin e zorrëve dhe kishte mbledhur miliona për kërkimin e kancerit.

Dame Deborah, nënë e dy fëmijëve, u diagnostikua me kancer në zorrë në vitin 2016.

Familja e saj e përshkroi atë si “të mahnitshme” dhe një “frymëzim”. Ata kanë njoftuar vdekjen e saj përmes një postimi në faqen e saj në Instagram.

“Jemi thellësisht të pikëlluar të njoftojmë vdekjen e Dame Deborah James; gruaja, vajza, motra, mamaja më e mahnitshme”, thuhet në njoftim.

Gjithashtu, familja e saj tha se Dame Deborah ndau përvojën e saj për kancerin për të “rritur ndërgjegjësimin, për të thyer barrierat, për të sfiduar tabutë dhe për të ndryshuar bisedën rreth kancerit.

Edhe në momentet e saj më sfiduese, vendosmëria e saj për të mbledhur para dhe ndërgjegjësim ishte frymëzuese”./abcnews.al