Autori i golit te Manchester United, Marcus Rashford, foli menjëherë pas ndeshjes për MUTV, ku tha se është i zhgënjyer për rezultatin. United po fitonte 1-0 deri në minutën e 85-të të takimit, minutë kur Lallana barazoi gjithçka. Në fjalën e tij, sulmuesi i “Djajve të Kuq” tha:
“Jemi shumë të zhgënjyer, meritonim absolutisht fitoren. Për mendimin tim, sot kemi humbur dy pikë. Liverpool është ekip që të shënon 3-4 gola, por sot treguam karakter dhe kurajo të jashtëzakonshme. Nuk e prisja kështu Liverpoolin, paramendoja një sfidë shumë herë më të fortë. Prandaj them që kemi humbur dy pikë.
Të jem i sinqertë, raste të tilla nuk vijnë shpesh, duhet ta kishim shfrytëzuar këtë mundësi. Megjithatë, treguam shenja përmirësimi dhe të vazhdojmë kështu”, përfundoi talenti anglez./abcnews.al
