Një shqiptar ka humbur jetën duke punuar në Buccinasco të Italisë. Viktima është një 31-vjeçar, por identiteti i tij nuk është bërë i ditur.
Sipas mediave italiane, punëtori shqiptar pësoi djegie të rënda në fytyrë. Ai ishte angazhuar në ndërtimin e një sistemi elektrik, kur papritur një shkëndijë elektrike shkaktoi zjarr në kabinë.
31-vjeçari u dërgua në spital por fatkeqësisht mjekët nuk mundën të bënin asgjë për të. Ai ndërroi jetë pasi kishte pësuar djegie të rënda në fytyrë. Ndërsa në vendngjarje u desh ndërhyrja e zjarrfikësve për të bërë të mundur shuarjen e flakëve që u shkaktuan si pasojë e shkëndijës elektrike. /tvklan.al
