Humb jetën 1 pacient në spitalin e Pejës, 61 të tjerë në kujdes shëndetësor

Një person me koronaviorus i cili ishte shtruar në spitalin e Përgjithshëm në Pejë ka humbur jetën.

Situata në Kosovë  vijon të përkeqësohet. Autoritetet raportojnë për një numër të rritje të rasteve të reja me koronavirus.

Ndërkohë në spitalin e Pejës janë duke u trajtuar 61 pacientë, ndërsa 11 prej tyre po trajtohen me oksigjenoterapi.

Po ashtu në këtë spital janë konfirmuar me COVID-19, katër mjekë, pesë infermierë dhe një bioinxhinier. Gjithashtu gjashtë anëtarë të tjerë të personelit janë në pritje të rezultatit.

Sakaq në 24 orët e fundit 169 pacientë kanë marrë trajtim emergjent po në këtë spital.