Një person është gjetur i shkrumbuar brenda një makine në afërsi të zonë së quajtur “Kryqi”. Raportohet se viktima ka qenë në pjesën e pasme të automjetit tip “pasat”, i cili është shkrumbuar totalisht nga flakët.
Mësohet se ngjarja ka ndodhur në rrugën e vjetër të aksit Elbasan-Tiranë, pranë zonës së Krrabës. Pritet ekspertiza që të përcaktojë atë që ka ndodhur.
Njoftimi i policisë:
Më datë 04.02.2022, rreth orës 22:30, në vendin e quajtur “Kryqi” në rrugën e vjetër Krrabë, në rrethana ende të paqarta ka marrë flakë një automjet tip “Volkswagen”, ku në brendësi të mjetit ka një person të pajetë.
Në vendngjarje ndodhet grupi hetimor dhe po punon për sqarimin e rrethanave të ngjarjes dhe indentifikimin e personit të pajetë.
/abcnews.al/
