Loading ...Kanë nisur homazhet në qytetin e Pogradecit, për policin Enea Mekolli, që humbi jetën gjatë një operacioni për kapjen e një të kërkuari mëngjesin e të enjtes në Maliq.
Homazhe kreu edhe Drejtori i Përgjithshëm i Policisë, Skënder Hita, i cili la edhe një shënim në bllokun e ngushëllimeve.
Efektivi i ndjerë do të prehet në varrezat e fshatit të tij të lindjes.
Familja e tij kërkoi që i ndjeri të mos varroset në Varrezat e Dëshmorëve, siç e parashikon statusi për Dëshmorët e Atdheut, por në fshatin e tij.
Kërkesa e familjes vjen për shkak se kanë patur edhe një djalë tjetër që ka qenë efektiv dhe që ka humbur jetën si pasojë e një sëmundjeje.
Ndaj familja ka kërkuar që të dy djemtë të prehen pranë njëri-tjetrit.
Pasditen e së enjtes, pranë familjes së policit të vrarë, shprehën ngushëllime edhe ministri i Brendshëm, Besfort Lamallari, dhe kryepolici Skënder Hita.
