Emiljano Musta e ka mbyllur me Kukësin para se të përfundojë kampionati. Mbrojtësi nuk ishte as në ndeshjen e fundit.
Ai ka tërhequr lejekalimin dhe do të presë hapjen e merkatos për të vijuar karrierën në ndonjë ekip tjetër të Superiores, ose jashtë.
Musta e nisi kampionatin me fanellën e Partizanit dhe në janar u rikthye te Kukësi. Gjithsesi atë e ka ndjekur fati i mikut të tij, Ardit Hilës, që prej javësh nuk luan me verilindorët.
Hila nuk i ka kursyer “thumbimet” me trajnerin Diego Longo, i cili nuk e ka “përtypur” mirë edhe një foto të Mustës me mesfushorin, postuar para disa ditësh në rrjetet sociale. / abcnews.al
