Studimi i fizibilitetit për gjurmën ku do të kalojë hekurudha Durrës-Prishtinë po shkon drejt fundit.
Ministri i Infrastrukturës në Kosovë Liburn Aliu deklaroi se ndërsa projekti po detajohet janë ofruar disa donator për realizimin e tij. Parashikohet që projekti të jetë gati për realizim në terren në vitin 2025.
Projekti hekurudhor Prishtinë-Durrës, vlerësohet si një mundësi shumë e madhe e rritjes së shkëmbimeve tregtare midis Shqipërisë e Kosovës por edhe me vendet e rajonit
Ndërtimi i linjës hekurudhore Durrës-Prishtinë, parashikohet të ketë një kosto prej 700 milionë eurosh por më saktësisht pritet të përcaktohet pas përfundimit të studimit të fizibilitetit.
