Loading ...Shqipëria hapi sot negociatat me Bashkimin Europian për grupkapitullin e fundit, “Bujqësia dhe Kohezioni”, duke bërë një hap të rëndësishëm drejt anëtarësimit të plotë në BE. Komisionerja për Zgjerimin, Marta Kosi, vlerësoi përkushtimin e vendit dhe theksoi se Shqipëria po tregon rezultate konkrete në procesin e integrimit, duke u bërë shembull edhe për vendet e tjera kandidate.
“Mesazhi që kam për qytetarët e Shqipërisë është se ne jemi krah jush. Është detyra juaj që të jeni të përkushtuar për integrimin në BE. Vendi juaj ka të bëjë me transformimin dhe udhëheqjen e fortë. Edi Rama nuk shikon nga e shkuara. I dashur Edi ju jeni një udhëheqës që shikoni nga e ardhmja. Në këtë situatë gjeopolitike na duhen vërtetë partnerë ku të mbështetemi dhe Shqipëria është një prej tyre. Kemi shumë kohë gjatë fushatës sonë të komunikimit, Shqipëria vazhdo kështu, ne do të përgatisim shtëpinë tuaj në BE.
Shqipëria ka dhënë rezultate dhe ka një fokus strategjik për integrim në BE. Është frymëzim edhe për vendet e tjera kandidate. I kemi çelur të gjithë grupkapitujt, tani vjen çelja e negociatave. Ka shumë punë. Ky është momenti sot, sepse është edhe në vendet aktuale të BE. Nuk është vetëm Shqipëria që bëhet më e fortë, por edhe BE bëhet më e fortë me integrimin e saj”, tha Marta Kos.
