Drejtori i spitalit Al Shifa, më i madhi në Rripin e Gazës, tha pasditen e sotme se rreth 50 trupa janë sjellë atje pas granatimeve të mëngjesit të një spitali në qytetin e Gazës, ku po strehohen shumë persona të zhvendosur.
Më herët, duke folur për agjencinë Reuters, Mohammad Abu Selmeya foli për të paktën 20 të vdekur nga një sulm izraelit në shkollën Al Buraq.
Zyra e shtypit e qeverisë së Hamasit njoftoi se “disa tanke izraelite kanë zënë pozicione brenda 200 metrave nga shkolla Al Buraq, në rrugën Al Nasr, dhe kanë rrethuar katër spitale në zonë”.
Ministria e Shëndetësisë e lëvizjes islamike palestineze Hamas njoftoi sot se 11,078 njerëz janë vrarë në bombardimet izraelite të Rripit të Gazës që nga fillimi i luftës më 7 tetor.
Ndër të vdekurit e regjistruar deri më tani, 4,506 ishin fëmijë dhe 3,027 ishin gra, tha ministria e shëndetësisë. Përveç kësaj, 27,490 njerëz u plagosën.
Ministria e Shëndetësisë e Hamasit raportoi gjithashtu se 21 spitale kanë ndaluar funksionimin dhe 47 qendra shëndetësore nuk po ofrojnë shërbime.
