Zv. trajneri i Kukësit, Rrahman Hallaçi, ka folur para ndeshjes së kthimit me Apoloninë, e vlefshme për çerekfinalet e Kupës së Apolonisë.
“Kemi marrë një rezultat pozitiv në ndeshjen e parë, e kemi vlerësuar kundërshtarin edhe pse është një Kategori më poshtë. Do e vlerësojmë dhe nesër, pasi kundërshtari ka një ekip të fortë. Jemi përgtitur mirë për ndeshjen e nesërme. Ndeshjet në Kupë kanë specifikë tjetër dhe nuk lejohet hapi fals.
Besoj se do të kualifikohemi, e meritojmë. Kemi humbur kundër Laçit, pretendonim të fitonim që të ishim më afër Tiranës, por nuk ia dolëm dot. Objektivat janë ende, edhe në kampionat edhe në Kupë. Do të luajmë nesër dhe pastaj do të mendojmë për Bylisin.
Ndoshta do të pushojnë 1-2 lojtarë për ndeshjen e kampionatit, por 90% skuadra do të jetë e plotë, për të marrë një rezultat pozitiv edhe në ndeshjen e kthimit” u shpreh Hallaçi./abcnews.al
