Hajdutët nuk kursejnë asgjë, vidhet gjatë natës kopshti i fëmijëve në Berat

schedule13:32 - 4 Qershor, 2020

schedule 13:32 - 4 Qershor, 2020

Hajdutët  nuk kanë kursyer as institucionet që edukojnë foshnjat dhe fëmijët.

Gjatë natës, pre e hajdutëve ka rënë kopshti “Tafil Roli” në lagjen “Uznovë” në qytetin e Beratit.

Mësohet se vjedhja është kryer gjatë natës dhe hajduti ka hyrë në kopsht duke shqyer derën kryesore.

Stafi edukativ i këtij kopshti, pasi ka konstatuar herët në mëngjes derën kryesore të kopshtit të shqyer, ka njoftuar menjëherë policinë, e cila ka kryer edhe veprimet proceduriale brenda kopshtit dhe po punon për identifikimin dhe kapjen e autorëve të ngjarjes.

Drejtoresha e kopshtit “Tafil Roli”, Klementina Zhvata ka deklaruar se, pasi kanë konstatuar derën e shqyer dhe se në kopsht mungonte një tapet dhe disa sende të tjera, kanë njoftuar policinë.

Zhvata deklaron se, mësimi në kopsht vijoj normalisht, në përputhje të rregullores dhe protokollit të përcaktuar./abcnews.al