Manchester City fitoi 2-0 ndaj Newcastle mbrëmjen e kaluar në Premier League. Gundogan dhe Ferran Torres realizuan golat e suksesit të dytë radhazi të “Cityzens” në kampionat.
Trajneri i ekipit anglez, Pep Guardiola vlerësoi aspektin taktik të djemve të tij në prononcimin e dhënë pas ndeshjes, teksa fton skuadrën të mos e humbasë durimin.
“Ishte një ndeshje shumë e vështirë. U luajt në kushte të vështira atmosferike dhe përballë kishim një kundërshtar që po vjen në rritje. Gjithsesi, jam i kënaqur me performancën e djemve.
Arritëm një rezultat të mirë i shtuam vetes tre pikë në tabelën e renditjes. Jemi larg vendit të parë, e vërtetë, por nuk duhet të harrojmë që të gjithë po marrin rezultate të çuditshme.
Kampionati është i gjatë, duhet të jemi të qetë dhe të kemi durim. Nuk duhet ta humbasim qetësinë, në momente të vështira dhe të mira“, deklaron Guardiola. /abcnews.al
