Manchester City fitoi 5-0 sot në shtëpi kundër Norwich. Fitorja e parë në Premier League për kampionët në fuqi, sukses që u bë më i bukur me golin e parë të Jack Grealish me ekipin e Pep Guardiolës.
Trajneri spanjoll analizoi triumfin pas ndeshjes, aty ku ka një mesazh edhe për Grealish, yllin anglez që i kushtoi plot 117.5 milion euro drejtuesve të “Cityzens”.
“Ky rezultat ishte pasoja e gjithë gjërave të bukura që kemi bërë, por nuk jemi akoma në top formë, duhet të punojmë akoma edhe më shumë. Po stërvitemi mirë, u karikuam dhe jam i lumtur për pikët e para në kampionat.
Grealish? Jack mund të shënojë gola pafund, por duhet të ketë të njëjtin mentalitet që ka Sterling në lidhje me golat. Kur erdha këtu, Rahem nuk ishte i fiksuar për të shënuar gola. Punuam dhe e ndryshuam një gjë të tillë.
Jack e ka aftësinë për të shënuar dhe fituar ndeshje, por nëse do të ketë të njëjtin mentalitet përpara portës si të Sterling, do të jetë në gjendje të shënojë shumë gola me ne“, bëri të ditur Guardiola. /abcnews.al
