Një ngjarje e pazakontë ka ndodhur në SHBA, ku një grua e arrestuar ka mundur të shpëtojë nga prangat në pjesën e pasme të një makine policie, përpara se të gjente një pushkë, të cilën e përdori për të qëlluar një polic dhe një qytetar.
Rachel Zion Clay, 36 vjeç, u kap dhe u prangos pasi u pa duke u zvarritur në duar dhe gjunjë në një oborr të shtëpisë dhe duke ulëritur në zonën Grady County të Oklahomas, me policinë që tha se e bëri këtë për sigurinë e saj.
Por kur oficerët po merrnin një deklaratë nga dëshmitari civil Dale Moses, Clay arriti të çlirohej nga prangat, përpara se të merrte një AR-15 të policisë, ku ngjarja është kapur në një kamerë nga brenda automjetit.
Më pas ajo qëlloi rreth 10 plumba, duke goditur një deputet si dhe Moses, megjithëse asnjëri nuk pësoi lëndime të rrezikshme për jetën.
Ajo që pasoi më pas ishte një ndalesë tre orë e gjysmë, me Clay që mbylli veten në makinë dhe qëlloi patrulluesit, përpara se ajo përfundimisht të dorëzohej pas negociatave të gjata dhe pas mbërritjes së një kamioni të blinduar. /abcnews.al
