Google ka njoftuar se ka plane për të ndërtuar një kampus krejtësisht të ri për punëtorët e tij në Mountain View, California.
Parku Middlefield, siç është quajtur zona, do të shtrihet në 40 hektarë tokë dhe do të përfshijë çdo komoditet që mund të ketë një qytet i vogël duke përfshirë shtëpi, zyre, dyqane, parqe dhe fusha sportive, shkruan Techradar.
Pavarësisht se Google ka informuar së fundmi punonjësit se ata do të punojnë nga shtëpia të paktën deri në mes të vitit 2021, qyteti i ri do të jetë me 1.33 milion metra katrorë hapësirë për zyre dhe deri në 1,850 njësi banimi.
“Ne duam të krijojmë një lagje, ku shumë nga nevojat dhe shërbimet ndodhen brenda në një distancë shumë të afërt”, u shpreh Michael Tymoff, Drejtori i Pasurive të Patundshme në Google, për Mountain ViewVoice.
Megjithatë, jo vetëm punonjësit e Google do të jetojnë në kampusin e sapo ndërtuar, një pjesë e shtëpive të reja do të lihen mënjanë për banorët që jetojnë në San Francisko dhe shumë nga objektet e kampusit do të jenë të arritshme për publikun gjithashtu.l.k/abcnews.al
