Sindrit Guri kërkohet nga dy klube të Superiores, konkretisht nga Partizani dhe Kukësi. Ky është lajmi i Panorama Sport i përcjellë në numrin e ditës së sotme.
Guri u largua para tre vitesh nga Kukësi, që përfitoi 710 mijë euro nga shitja e tij tek Ostende dhe tani verilindorët po tentojnë ta bindin.
Nga ana tjetër edhe Partizanit i nevojitet një sulmues dhe Guri konsiderohet një mundësi e mirë, edhe pse sezonin e kaluar nuk ka luajtur për shkak dëmtimi.
Gjithsesi, burime pranë sulmuesit i thonë abcnews.al se ai nuk dëshiron të rikthehet në Superiore dhe së fundmi ka refuzuar edhe një propozim nga një klub shqiptar.
Guri është lojtar i lirë dhe pasaporta italiane që zotëron mund ta ndihmojë të luajë në ndonjë klub jashtë vendit, si në Itali ku ka pasur në të shkuarën propozime. / abcnews.al
