Një kthesë të papritur ka marrë situata e Lukakut me Interin. Ditën e djeshme, zikaltërit paraqitën një ofertë rreth 40 milionë euro në total për Chelsea që të merrnin shërbimet e plota të belgut, me londinezët që duket se kishin rënë dakord për këtë shifër, por tashmë gjërat kanë marrë kthesën e papritur.
Siç raportohet nga pothuajse të gjitha mediat italiane, drejtori i ri sportiv i Juventusit, Cristiano Giuntoli, ka kontaktuar avokatin e sulmuesit belg, Sebastian Ledure, dhe i ka propozuar një projekt për Lukakun dhe duket se transferimi tashmë për tek Inter ka ngrirë.
Lukaku nuk është duke u nxituar dhe pret të dëgjojë ofertën zyrtare të rivalit të përjetshëm të zikaltërve. Nuk dihet ende nëse janë thjeshtë thashetheme apo diçka konkrete, por këtë gjë do ta shpjegojë më mirë vetë lojtari./h.ll/abcnews.al
