Miqësore të konfirmuara nga klubet e Superiores. Trajnerët e klubeve të elitës së futbollit shqiptar duan të ruajnë ritmin dhe ndeshjet e sotme u shërbejnë shumë. Tirana ka konfirmuar përballjen me Turbinën, që luhet prej orës 16:00 në stadiumin “Selman Stërmasi”.
Më parë do të luajë Laçi, që ka zgjedhur si rival Korabin. Në Pezë-Helmës kurbinasit luajnë prej orës 14:00. Flamurtari do të përballet gjithashtu me një ekip të Kategorisë së Parë. Vlonjatët do të luajnë në Fier, prej orës 15:00, kundër Egnatias.
Edhe Bylisi nuk ka qëndruar pushim. Ballshiotët do të përballen me Apoloninë në Rrogozhinë. Vllaznia ka zgjedhur të zhvillojë një ndeshje kundër të rinjve, ndërsa Partizani e ka parë të udhës të vijojë përgatitjet si zakonisht. /abcnews.al
