Gjysma e mësuesve refuzojnë vaksinën në Durrës

Vetëm gjysma e mësuesve të Durrësit i janë përgjigjur thirrjes së autoriteteve shëndetësore që të vaksinohen me “AstraZeneca”.

Gazetari Leonidha Musaj bën me dije për abcneës.al se nga 1 600 mësues që ka Durrësi bashkë me rrethinat, vetëm gjysma e tyre kanë pranuar të bëjnë vaksinën, kurse pjesa tjetër ose nuk është paraqitur ose ka dorëzuar formularin ku shprehen se nuk duan ta bëjnë.

Disa vende të BE-së kanë pezulluar vaksinën AstraZeneca pas dyshimeve se shkakton problem shëndetësore pas bërjes. Ndërkohë, OBSH dhe organizma të tjerë të ngjashëm kanë hedhur poshtë pretendimet duke theksuar se vaksina nuk shkakton probleme. /abcnews.al