Neymar dhe Barcelona nesër do të përballen në gjyq. Sulmuesi brazilian ka pretendimet e tij në lidhje me një bonus që duhet të merrte në momentin e rinovimit të kontratës, para se të transferohej te PSG për shumën e 223 milionë eurove.
Pikërisht kjo kërkesë e Neymar ka bërë që shumë tifozët të katalanasve të mos e duan më në ekip brazilianin. Ata e shohin absurde që një lojtar i cili ka hedhur klubin në gjyq të rikthehet sërish. Ndoshta një tërheqje nga kërkesa e bërë do të hapte sërish rrugën që sulmuesi të firmosë verën e ardhshme.
Për të mbetur te gjyqi, El Chiringuito raporton se Neymar nuk do të jetë nesër në sallën e gjyqit. Braziliani do të përfaqësohet nga menaxheri i tij dhe avokati, që do të nisin duelin ligjor me Barcelonën. /abcnews.al
“Es probable que NEYMAR NO ACUDA al JUICIO que tiene con el BARÇA”. Lo desvela @10JoseAlvarez en #ChiringuitoBarcelona pic.twitter.com/DMkNACqrJ0
— El Chiringuito TV (@elchiringuitotv) September 26, 2019
