Pritshmëritë për të, te “Demat e Kuq” të Partizanit ishin tepër të larta. Vetëm 1 muaj pas largimit nga kampionët në fuqi të Shqipërisë, ish-“fantazisti” i Rangers, Eros Grezda është prezantuar tek ekipi i tij i ri, duke bërë një “prapaktheu” të madhe, në karrierën e tij, e cila mund të thuhet se është drejt perëndimit.
Bëhet fjalë skuadrën kroate të NK Rudes, me klubin që ka vendosur të bëjë publik zyrtarizimin e Grezdës, me anë të disa postimeve në rrjetet sociale, ku në është bërë publik asnjë detaj nga kontrata e 28-vjeçarit, me ekipin, që militon në elitën e futbollit kroat, mirëpo nuk është ndër më të mirët.
NK Rudes ndodhet në vendin e fundit të tabelës, me vetëm 4 pikë, pas 19 javëve të para, teksa nuk ka arritur të regjistrojë qoftë edhe një fitore të vetme këtë sezon, duke patur kështu plot 14 pikë më pak, nga ekipi më i afërt në tabelë dhe mund të thuhet se rënia nga kategoria është një ngjarje e pashmangshme, mirëpo duket se klubi i mban shpresat te “ringjallja” e Grezdës. /i.m /abcnews.al
