Shefi i stafit të kancelares gjermane, Angela Merkel, tha se vaksinimi kundër koronavirusit në Gjermani të nisë në ditët e para të vitit të ardhshëm.
Autoritetet e Bashkimit Europian pritet që deri më 29 dhjetor të marrin vendimin për miratimin e vaksinës së parë për përdorim. Gjermania është duke përgatitur tashmë qendrat e vaksinimit.
Shefi i stafit të Merkelit, Helge Braun, i cili edhe vetë është mjek, tha për gazetën Bild se është i gatshëm t’i ndihmojë autoritetet mjekësore. Braun tha se ai dhe kancelarja Merkel do të vaksinohen “kur t’iu vijë radha”.
Shifrat e infektimit në Gjermani janë stabilizuar që kur ka nisur izolimi i pjesshëm, më 2 nëntor.
Të hënën, autoritetet shëndetësore raportuan për 12.332 raste të reja me koronavirus. Masat kufizuese, të tilla si mbyllja e restoranteve, bareve dhe objekteve sportive, pritet të zgjasin deri më 10 janar./abcnews.al
