GJERMANI- Kontrolli i trafikut ajror të Gjermanisë (DFS) ishte objektiv i një sulmi hakerash javën e kaluar, me mediat gjermane që raportuan se sulmi ishte i lidhur me grupin pro-rus të hakerave APT28, raportoi Spiegel të dielën.
“Komunikimet tona të biznesit janë hakuar dhe aktualisht po marrim masa mbrojtëse”, tha një zëdhënës i DFS, me qendër në Langen pranë Frankfurt am Main.
DFS shtoi se trafiku ajror nuk u prek nga sulmi dhe po vazhdonte normalisht.
Grupi APT28, i njohur edhe si “Fancy Bear”, ka disa vite që sulmon kompanitë tregtare si kompanitë e mbrojtjes, furnizimit me energji dhe logjistikës.
Sipas SPIEGEL, qeveritë perëndimore besojnë se ky grup është i lidhur me shërbimin e inteligjencës ruse dhe kjo u bë e njohur për publikun gjerman pas sulmit të hakerave në Bundestag në vitin 2015./ abcnews.al
