Një tjetër qytet që duket se i është rikthyer normalitetit është edhe Maliqi, që tashmë është zonë e gjelbërt.
Gazetarja Ledjona Xheladinaj tha për “ABC News” se qytetarët i janë rikthyer jetës normale duke “harruar” në njëfarë mënyre situatën e shkaktuar nga pandemia.
Gjithashtu theksoi se sipas burimeve konfidenciale nga Drejtoria e Kufirit dhe emigracionit, 55 shqiptarë gjatë 24 orëve të fundit janë futur në Shqipëri.
Më herët të gjithë qytetarët që futeshin në Shqipëri karantinoheshin në hotele të hapura në qytetin e Korçës, por edhe në Pogradec. Ndërkohë pas një urdhëri nga qeveria, qytetarët që udhëtojnë nga zonat e kuqe vetëkarantinohen në banesat e tyre, dhe janë aktualisht janë 35, ndërsa 20 të tjerë janë karantinuar detyrimisht në hotele, ku vijnë nga zonat e gjelbërta. /abcnews.al
