Mario Balotelli sërish në qendër të mediave italiane. Sulmuesi është shfaqur ditën e sotme në qendrën stërvitore të Brescia, me synimin të stërvitej me skuadrën e tij për të qenë gati për rifillimin e Serie A, që është programuar të rinisë nga data 20 qershor.
Sipas Gazzetta dello Sport, klubi italian e ka kthyer mbrapsht sulmuesin me arsyetimin se leja për arsye shëndetësore nuk i kishte mbaruar akoma. Balotelli, në largim e sipër u është drejtuar gazetarëve: “Tani shkruani që nuk jam stërvitur”.
Kjo jo pa arsye, pasi në mediat italiane është shkruar herë pas here që sulmuesi nuk ka dalë në stërvitje, madje pati edhe një reagim të ashpër të tij, që e mohonte diçka të tillë. /abcnews.al
