Barcelonës i ka ikur nga duart një nga dëshirat e mëdha të Ronald Koeman në merkato. Trajneri ka këmbëngulur prej kohësh për të firmosur me Georginio Wijnaldum dhe ditët e fundit katalanasit ishin shumë pranë.
Agjentët e tij kishin qenë dy herë në zyrat e Barcelonës dhe ishte rënë dakord për 4 milionë euro në sezon, teksa ishin skeduluar edhe vizitat mjekësore. Por PSG bëri një ndërhyrje “blic” dhe anuloi gjithçka.
Georginio Wijnaldum has decided to join Paris Saint-Germain. Barcelona have NO intention to raise their bid after they agreement ready by 2 weeks and medicals planned. ???
Gini is now set to accept PSG proposal until 2024 with salary more than doubled [compared to Barça bid]. https://t.co/ImrYvlaMWg
— Fabrizio Romano (@FabrizioRomano) June 6, 2021
Fabrizio Romano bën me dije se parizienët kanë ofruar dyfishin e propozimit të Barcelonës. Lajmi i fundit është se Wijnaldum ka zgjedhur kalimin te PSG. Holandezi ka anuluar gjithçka me spanjollët dhe ka rënë dakord me nënkampionët e Francës.
Ish-mesfushori i Liverpool do firmosë kontratë deri në verën e vitit 2024. Barcelona nga ana tjetër nuk ka ndërmend të rrisë ofertën për të. Katalanasit janë të prerë në lidhje me financat këtë sezon, duke parë gjendjen e vështirë të klubit në këtë aspekt. /abcnews.al
