Rita Ora, Dua Lipa, Bebe Rexha dhe Ava Max janë artistet shqiptare, që po korrin një sukses të jashtëzakonshëm në mbarë botën, duke na bërë të gjithëve krenarë. Por, listës së yjeve shqiptarë që kanë pushtuar botën, i shtohet dhe Njomza Vitia, këngëtarja kosovare e cila prej kohësh jeton në Shtetet e Bashkuara.
Së fundmi, është mësuar se Njomza po punon për të sjellë një bashkëpunim me Gashin, reperin me origjinë shqiptare shumë i njohur në SHBA, i cili numëron disa bashkëpunime me disa prej emrave më të njohura në industrinë botërore të muzikës.
Që në fillimet e saj, Gashi ka treguar suportin e tij dhe madje e ka konsideruar atë si një super talent. Megjithatë, ende nuk ka detaje të tjera se kur do të publikohet kënga, por fansat e dyshes janë shprehur mjaft të entuziazmuar dhe padyshim që dueti do të kthehet në një hit. /abcnews.al/
