Me merkaton e verës shumë pranë fundit, “gjigandët” e futbollit evropian po bëjnë përpjekjet e fundit për të forcuar ekipet e tyre, përpara një sezoni që pritet të jetë shumë i zjarrtë, si në Evropë, ashtu dhe në Kampionatet përkatëse.
Për këtë arsye, “londinezët” e Tottenham dhe “bavarezët” e Bayern Munich kanë vënë në fokus forcimin e mesfushës së tyre, mirëpo objektivi është i njëjtë. Bëhet fjalë për “fantazistin” 23-vjeçar të Chelsea, Connor Gallagher, i cili pëlqehet shumë nga të dy ekipet.
Sipas raportimeve më të fundit të tabloideve britanike, për kartonin e Gallagher, “blutë” e Chelsea nuk pranojnë më pak se 50 milionë paundë, shifër që pritet të paguhet nga “bavarezët” e Bayern, ndërsa skuadra e Tottenham do të bëjë një përpjekje vetëm nëse shitet danezi Pierre-Emile Hojbjerg. /i.m /abcnews.al
