Kampionatet për moshat 15, 17 dhe 19 vjeçare kanë përmbyllur fundjavën e shkuar kampionatin e rregullt dhe janë përcaktuar skuadrat fituese të grupeve respektive, duke u plotësuar kështu lista e ekipeve që do të luajnë në play-off dhe ato që do të diskutojnë play-out, shkruan fshf.org.
Me përfundimin e ndeshjeve në grupe, sipas skemës së përcaktuar që në fillim të sezonit, skuadrat kanë njohur kundërshtarët e tyre si dhe janë përcaktuar fushat dhe oraret e ndeshjeve. Për herë të parë në vend do të kemi edhe një kampion kombëtar për Kategorinë Superiore U-15, kampionat ky që u krijua në shtator 2019.
