Një ditë pas hyrjes në fuqi të vendimit të Këshillit të Ministrave që ndalon prodhimin, importin dhe tregtimin e qeseve plastike nën 30 mikron, një grup të rinjsh në Tiranë dhe zëvendësministrja e Mjedisit dhe Turizmit, Ornela Çuçi, ju shpërndanë trasta dhe fletëpalosje qytetarëve pranë zonës së Pazarit të Ri.
Me këtë aktivitet nisi fushata ndërgjegjësuese e Ministrise se Mjedisit dhe Turizmit për eleminimin e qeseve të plastikës. Ministria e Turizmit dhe Mjedisit i bën thirrje qytetarëve t’i bashkohen kësaj nisme dhe të zëvendësojnë qeset e plastikës me çanta cope./abcnews.al
