Gjatë fundjavës, moti do të jetë sërish me diell dhe temperatura të larta. E hëna dhe e marta pritet të sjellin reshje pothuajse në të gjithë vendin, por moti i kthjellët e i ngrohtë, do të rikthehet sërish në ditët e fundit të Shtatorit.
Pas reshjeve të ditës së enjte, temperaturat pritet të pësojnë sërish rritje këtë fundjavë. Sipas sinoptikanëve edhe pse me temperatura disi më të ulëta, e shtuna dhe e diela do të jenë ditë me mot të qëndrueshëm dhe me diell.
Por a do të kemi ndryshime të kushteve meteorologjike gjatë javës së ardhshme? Sipas MeteoALB, fillimi i javës do të na bëje të marrim sërish çadrat me vete. Ditët e fundit të Shtatorit pritet që moti të jetë i qëndrueshëm dhe me temperatura të larta për stinën në të cilën ndodhemi./ABC News Albania 24/7
