Një person i cili ka tentuar të fusë kanabis në burgun e Rrogozhinës la rënë në prangat e policisë.
I.Z., 65 vjeç, shkoi së bshku me dy familjarë për të takuar shtetasin M.Z që vuan dënimin në këtë institucion, ndërsa gjatë kontrollit të ushtruar në një enë plastike me keçap dhe një enë plastike me majonezë, iu gjet kanabis e mbështjellë me letër alumini.
Njoftimi:
Tenton të fusë “canabis sativa” në IEVP Rrogozhinë, arrestohet i afërmi i të dënuarit
Është arrestuar sot në kushtet e flagrancës shtetasi I.Z i datëlindjes 07.02.1957, banor i Tiranës dyshuar për kryerjen e veprës penale të “Futja ose mbajtja e sendeve të ndaluara në I.E.V.P”, “Prodhimi dhe shitja e narkotikëve”. Ai së bashku me dy familjarë të tjerë M.Z dhe A.K është paraqitur në IEVP Rrogozhinë për të takuar shtetasin M.Z që vuan dënimin në këtë institucion. Gjatë kontrollit të ushtruar në një enë plastike me keçap dhe një enë plastike me majonezë u konstatuan 4 mbështjellëse me letër alumini në formë cilindrike brenda të cilave gjendej bimë me ngjyrë jeshile dyshuar si lëndë narkotike “canabis sativa”. Menjëherë kanë filluar veprimet e para proceduriale dhe bazuar në prova është kryer arrestimi i I.Z. /abcnews.al
