Zlatan Ibrahimovic është një lojtar me karakter të veçantë. Suedezi nuk është nga ata persona me të cilët mund të merresh lehtë dhe kjo zbulohet edhe nga deklaratat e atyre që kanë provuar të luajnë në një skuadër me të.
Këtë herë ka folur Michaël Cani,mbrojtësi francez që ka luajtur edhe me skuadra si Lazio, Espanyol, Sporting LP dhe Bordeaux. Tani ai është pjesë e LA Galaxy dhe ka qenë në një skuadër me sulmuesin suedez të Milanit.
Cani zbulon lojtarin të cilin Ibrahimovic nuk donte ta shihte me sy, gjatë një interviste për RMC Sport: “E njoh Zlatan, e njoh edhe Laurent Blanc. E kam pyetur atë për raportin me trajnerin dhe lojtarët dhe më tha që gjithçka ishte mirë. Gjithashtu më zbuloi se urrente 3-4 lojtarë dhe Cavani ishte një prej tyre. Nëse do të ishit pranë Cavani, atëherë do të ishit kundër Ibrahimovic”. /abcnews.al
