Shumë vende po organizojnë evakuime të qytetarëve të tyre që jetojnë në Liban, ku ushtria izraelite nisi të hënën, një operacion tokësor kundër Hezbollahut në pjesën jugore të vendit.
Një anije e marinës franceze lundroi nga Franca juglindore për në zonën detare të Libanit, ku do të marrë një pozicion “paraprak” në rast se ka nevojë për evakuimin e qytetarëve francezë, njoftoi Shtabi i Përgjithshëm Francez i Mbrojtjes Kombëtare. Transportuesit e helikopterëve francezë (PHA) do t’i duhen “pesë deri në gjashtë ditë” për të arritur në këtë zonë të Mesdheut lindor nga porti i Toulon. Rreth 23,000 francezë ose franko-libanezë janë vendosur në Liban.
Gjermania dërgoi një avion ushtarak në Bejrut për të evakuuar kryesisht punëtorët e ambasadës gjermane në Liban dhe familjet e tyre. Punonjësit e organizatave gjermane, si dhe familjet e tyre, si dhe qytetarët që janë në rrezik për arsye mjekësore duhet gjithashtu të riatdhesohen. Rreth 1800 shtetas gjermanë janë regjistruar nga departamenti i reagimit ndaj krizave të përfaqësisë diplomatike në Liban.
Britania njoftoi gjithashtu se kishte çarteruar një fluturim komercial për qytetarët e saj që duan të largohen nga Libani. Ky fluturim do të niset të mërkurën, nga aeroporti ndërkombëtar Rafik Hariri i Bejrutit. Javën e kaluar, Londra njoftoi vendosjen e 700 ushtarëve në Qipro për t’u përgatitur për largimin e mundshëm të qytetarëve të saj nga Libani.
Kanadaja gjithashtu njoftoi se ka rezervuar 800 vende në fluturimet komerciale për të ndihmuar qytetarët e saj të largohen nga Libani. Rreth 45,000 kanadezë ndodhen në atë vend dhe fluturimi tjetër është planifikuar për këtë të martë. Ushtria kanadeze ka përgatitur masa emergjente në Qipro nëse fluturimet komerciale ndërpriten./abcnews.al
