Ministri i Jashtëm spanjoll në detyrë, Jose Manuel Albares tha të martën se qeveria e tij kundërshton pezullimin e ndihmës së BE-së për Palestinën.
“Ky bashkëpunim duhet të vazhdojë, ne nuk mund ta ngatërrojmë Hamasin, i cili është në listën e grupeve terroriste të BE-së, me popullsinë palestineze, apo Autoritetin Palestinez apo organizatat e OKB-së në terren”, tha Albares në një intervistë për radion spanjolle.
Ai shtoi se Palestina ka të ngjarë të ketë nevojë për më shumë ndihmë në të ardhmen e afërt.
Pikëpamjet e tij u bënë jehonë edhe nga ministria e jashtme franceze, e cila lëshoi një deklaratë në Paris këtë mëngjes duke thënë: “Ne nuk jemi në favor të pezullimit të ndihmës që përfiton drejtpërdrejt popullin palestinez, dhe këtë ia kemi bërë të qartë Komisionit Europian dje”.
Ministrat e jashtëm të BE-së do të takohen për të diskutuar çështjen të martën pasdite.
/abcnews.al
