Ambasada amerikane në Tiranë ka përshëndetur arrestimin në Gjermani të Arbër Çekajt, i kërkuar nga autoritetet shqiptare për sasinë prej 613 kg kokainë të kapur në muajin Shkurt në magazinat e tij në Maminas.
Përmes një postimi në Facebook, ambasada shkruan: “Bravo Gjermani, bravo Shqipëri”.
Ambasada amerikane e ka shoqëruar edhe me një fotomontazh, gjysmë banane e gjysmë peshk. Kjo për faktin se kokaina ishte e fshehur në konteinerin me banane, ndërsa Arbër Çekaj konsiderohet “peshk i madh”.
Çekaj u kap sot në Gjermani falë bashkëpunimit të policisë gjermane me policinë shqiptare. /abcnews.al
