Moderatori i dashur për publikun shqiptar, Ermal Mamaqi, është rikthyer në të njëjtin vend ku shkonte me Dr. Florin 8 vite më parë.
Nëpërmjet një postimi në “Instagram”, ai ka zbuluar se rrugës për në Përmet është ndaluar në lokalin ku drekonin bashkë, dhe ku asgjë s’kishte ndryshuar as sot.
E njëjta tavolinë, të njëjtat karrige ashtu si tetë vite më parë. Por kësaj radhe mungonte miku i tij i ngushtë Dr. Flori, i cili ka gati 5 vite që ka ndërruar jetë.
“Ka dhe kujtime të bukura që na trishtojnë… Rrugës për Përmet, ndalova tek i njëjti vënd. Asgjë nuk kish ndryshuar. Si 8 vite më parë. E njëjta tavolinë, të njëjtat karrige. I paharruar Dr.Flori”, shkruan ai duke bërë tag nënën e fëmijëve të këngëtarit të ndjerë.
