Meghan Markle dhe Princi Harry, me rastin e Ditës së Përkujtimit në Angli më 11 nëntor, kanë shpërndarë një foto prekëse përmes faqes së internetit të Organizatës Jofitimprurëse Archewell.
Në këtë imazh, çifti duket se janë përballë ushtarëve, të cilët mbajnë flamuj. Fotoja është nga Lojërat Invictus të vitit të kaluar në Hagë, lojëra të krijuara për ushtarët e plagosur.
“Në këtë ditë ne nderojmë ushtarët në mbarë botën. Këta trima si dhe familjet e tyre, kanë bërë sakrifica të mëdha në krye të detyrës. Ne jemi krenarë që bashkëpunojmë me kaq shumë organizata që mbështesin familjet e veteranëve dhe ushtarakët. Sot dhe çdo ditë faleminderit për shërbimin”, ka qenë mesazhi i Meghan Markle dhe Princit Harry që ka shoqëruar foton në fjalë.
Harry dhe Meghan gjithashtu shënuan këtë rast të rëndësishëm duke mbyllur zyrën e tyre. “Në festimin e kësaj dite, zyra jonë është e mbyllur të premten, më 11 nëntor”, thuhet në mesazh.
Festa ushtarake e Ditës së Përkujtimit ka një kuptim të veçantë për Princin Harry pasi ai shërbeu si kapiten në Ushtrinë Britanike. Gjatë dhjetë viteve të shërbimit të tij, ai shërbeu dy turne të vijës së parë në Afganistan./abcnews.al
