Dua Lipa është parë rrugëve të Londrës më ekstravagante se kurrë. Këngëtarja shqiptare, e cila sapo është kthyer në kryeqytetin anglez pas turneut “Future Nostalgia”, është fotografuar me një kostum shumë të veçantë me printime dollari. Ajo mbante veshur një bluzë të shkurtër dhe një palë tuta deri tek gjunjët.
Veshjen e kishte kombinuar me një palë çizme dhe një çantë të vogël me kristale. Kujtojmë që së fundmi është raportuar se këngëtarja shqiptare po përballet me probleme me fqinjët e saj për shkak të disa rinovimeve që po tenton të bëjë në rezidencën e saj afro 7 milionë paundëshe.
Si rezultat, Dua është detyruar të paguajë një shumë të majme në përpjekje për të bindur këshillin që t’i japë lejen. Ajo ka për qëllim që të ndërtojë një bodrum të madh me një pishinë dhe një studio regjistrimi. Ajo ka një vit që ka bërë kërkesë për ndryshime por duket se gjërat nuk kanë shkuar aq mirë.
/abcnews.al
