Jorida Tabaku i është bashkuar protestës së PD-së së thirrur nga Sali Berisha.
Ndonëse ka mbajtur qëndrime të ndryshme nga grupimi i Berishës, deputetja demokrate është parë në protestën që po mbahet para kryeministrisë, edhe pse në distancë.
Në një prononcim të shkurtër për ABC News, deputetja tha: “Unë jam pjesë e PD. Nuk ka asnjë diskutim. Për mua nuk ka asnjë zgjidhje tjetër përveçse PD-së.
Protestuesit pritet të kërkojnë lirimin e Berishës, që ndodhet prej gati 7 muajsh në izolim si dhe një qeveri teknike, pasi demokratët nuk duan Ramën të qeverisë gjatë zgjedhjeve./abcnews.al
